Негізгі бет  /  Жаңалықтар  /  Сенаторлар аймақтарды аралады

Сенаторлар аймақтарды аралады

Айқын-ақпарат
335
Сенаторлар аймақтарды аралады Мемлекеттік бағдарламалар қаншалықты орындалып жатыр?

Үкімет пен Парламент жұмыстарының орындалу қарқыны қандай? Халыққа осы мәселелер бойынша есеп беру мақсатында сенаторлар аймақтарды аралап, түсіндіру жұмыстарын жүргізіп жатыр. Атап айтқанда, Алматы облысы, Оңтүстік Қазақстан және Батыс Қазақстан облыстарындағы бірқатар нысандарды аралап қана қоймай, жергілікті тұрғындармен де тілдесті. 

Парламент Cенатының де­путаттары Нұрлан Қылыш­баев пен Аңсар Мұсаханов Алматы облысындағы ісса­парларын одан әрі жалғас­тырды. Олар Еңбекшіқазақ ауданындағы бірқатар ауыл шаруашылығы кәсіпорны­ның жұмысымен танысты. Атап айтқанда, жеміс шырын­дарын өндіру цехына, сүт фермасына және басқа да ша­руашылық жүргізетін нысан­дарға барды. Н.Қылышбаев пен А.Мұсаха­нов Қарасай ауда­нындағы «Алматы әйнек» ме­кемесінде және Мерей ауы­лындағы «Алсад» құс фабри­ка­сында болды. Се­наторлар шаруа қожалық­тарының басшы­ларымен, білім беру және денсаулық сақтау мекеме­лерінің ұжымымен кез­десті. Депутаттар Парла­менттің 2016 жылғы заң шы­ғару жұмыс­тарының қоры­тын­дысы туралы әңгімеледі. Жүздесу барысында ауыл тұрғындары Жер туралы заңдағы өзгерістерге және аграрлық саланы қолдау мәсе­лелеріне ерекше көңіл аударды. Сонымен бірге, жергілікті тұр­ғындармен аймақтың экономи­калық жағдайы мен дамытудың келешегі, әлеуметтік саланы өркендету мәселелерін талқы­лады. 
Ал Асқар Бейсенбаев жұмыс сапарымен Оңтүстік Қазақстан облысындағы Түлкібас және Ордабасы аудандарында болды. Жергілікті билік орган­дарының басшылығымен және тұрғын­дармен кездесу барысында сена­тор бес институттық рефор­ма­ларды және «100 нақты қадам» Ұлт жоспарын іске асыру туралы әңгімеледі. Ол Қазақстан Тәуел­сіздігінің 25 жылдығына арналған салтанатты жина­лыста Мемлекет басшысы алға қойған стратегиялық міндеттерге тоқ­талды. Сондай-ақ Парламенттің заң шығару қызметі мен 2016 жылғы республикалық бюд­жеттің негізгі көрсеткіш­терінің орындалуы туралы ақпарат айтты. 
Батыс Қазақстан облы­сында іссапармен жүрген Парламент Сенаты Қаржы және бюджет комитетінің төрағасы Рашид Ахметов пен сенатор Ерболат Мұқаев облыстық мәслихат депутат­тарымен кездесті. Шаруа қожалықтарының басшылары Сенат бірінші оқылымда мақұлдаған «Жайылымдар туралы» және оған ілеспе заң жобаларының маңыздылығын атап өтті. Депутаттар бұл заң жобаларының ережелері және Жоғарғы палатаның өткен жылғы заң шығару қызметі туралы егжей-тегжейлі әңгі­ме­леді. Қоғамдық кеңес мү­ше­­лерінің жергілікті тұр­ғын­дармен өзара іс-қимылын жақсарту мәселелері жан-жақты тал­қыланды. Облыс кә­сіпкерле­рімен болған кез­десуде салық салуды жетіл­дірудің өзекті мәселелері айтылды.