Негізгі бет  /  Жаңалықтар  /  Заң бұзғандар жауапкершілікке тартылды

Заң бұзғандар жауапкершілікке тартылды

Жадыра Аққайыр
528
Заң бұзғандар жауапкершілікке тартылды

Инвестициялар және даму министрлігі Көлік комитеті шетелдік тасымалдаушылардың арнайы рұқсат құжатынсыз жүк тасымалдауларына жол бермеу мақсатында 2016 жылдың 15 қазаны мен 31 желтоқсаны аралығында өткен «Көліктік бақылау – отандық тасымалдаушылардың мүддесін қорғауда» акциясын қорытындылады. Нәтижесінде, 1000-нан астам тасымалдаушының көлік заңнамасын бұзғаны анықталып отыр.

Рұқсат қағаздары шетелдік тасымалдаушыларға халықаралық келісімдерге сәйкес беріледі. Әр ел серіктес мемлекетке өз территория­сында жүк тасымалдауға белгіленген мөлшерде квота береді. Осыған орай, жүк тасымалдайтын компа­ния­лардың квотасы болмаса немесе уақыты біткен жағдайда шет мемлекеттің территориясында жүк тасымалдай алмайды.
Сонымен бірге, акция шеңбе­рінде көліктік бақылау органдары 19096 шетелдік автокөлікті тексеріп, 1041 тасымалдаушы Қазақстан Республикасының көлік заңнамасы мен халықаралық келісім норма­ларын бұзғаны үшін әкімшілік жауап­кершілікке тартылды. Оның ішінде 484 рұқсат талаптарын бұзғандар белгілі болды. Нақтырақ айтқанда, ресейлік – 213, украин – 33, түрік – 26, беларус – 25, литвалық – 22, латвиялық – 9 және басқа 156 тасымалдаушы тиісті құжатсыз Қазақстан аумағында жүк тасымалдаумен айналысқан. 
Жалпы, 2016 жылдың 12 айында ха­лықаралық келісім нормаларын және Қазақстан Республикасының көлік заңнамасын бұзғаны үшін 4520 шетелдік тасымалдаушы әкімшілік жауапкершілікке тартылған. Оның ішінде 2047 тасымалдаушы халық­аралық келісім нормаларын бұзыпты. Сонымен қатар Қазақстан Республи­касы территориясында каботажды тасымалдауды жүзеге асырған 913 құқық бұзушылық анықталған.