Негізгі бет  /  мақалалар  /  Партия бағдарламасымен танысты

Партия бағдарламасымен танысты

Айқын-ақпарат
427
Партия бағдарламасымен танысты Петропавл қаласында «Денсаулық» БПҰ «Наркологиялық диспансер» партиялық тобының мүшелеріне «Жемқорлықсыз ел – гүлденген ел» партиялық жобасы аясында сыбайлас жемқорлыққа қарсы заңнама мәселелері бойынша жиналыс ұйымдастырылды.

Ең алдымен, 2015 – 2025 жыл­­дарға арналған сыбайлас жем­қорлыққа қарсы әрекет бойынша «Нұр Отан» партия­сының бағдар­ламасы талқы­ланды. 
Партия белсендісі Фанис Литфуллин өз сөзінде айтқан­дай, азаматтар жемқорлыққа бей-жай қарамауы керек.
– Біздің уақытта парақор­лық әдеттегі ісі болды, азамат­тар сы­бай­лас жемқорлық факті­лері ту­ралы уәкілетті органдарға ха­бар­лауды қажет санамайды. Адам­дар өз мәселелерін осы­лай­ша шешуге үйреніп қалған, оның салдары туралы мүлде ойланбайтын, – деді Фанис Литфуллин. – Біз сыбайлас жемқорлыққа нөлдік төзімділік­ті қалыптастыруының маңыз­ды­лығы мен өзектілігін түсінуі­міз керек, бізге күш-жігері­мізді біріктіру қажет. Бұл үшін әркім атсалысуы керек.
Партияның Петропавл қа­ла­лық филиалының кеңесшісі Аманкелді Сатанов бағдарлама­ның маңыздылығы және оның көлемін атап өтті. Оның ай­туын­­ша, бағдарламада сыбайлас жем­­қорлыққа қарсы әрекет бойын­ша барлық жұмыс бағыт­тары егжей-тегжейлі көр­сетілген.
– Бағдарламада қазіргі уақыт­та шешуге қажеті барлық іс-әре­кеттер анықталған. Ең алдымен, сыбайлас жемқорлық­қа заңнама­лық деңгейде ке­дер­гілер құру қажет. Бағдарламада бұл ескерілді. Тағы бір маңызды сәт – мемлекеттік қызметте сыбайлас жемқорлыққа қарсы әрекет. Жемқорлық би­лікке деген халықтың сеніміне қатты нұқсан келтірді. Бірақ уәкілетті органдарға бұл қатерге жалғыз басымен қарсы тұру қиын, сондықтан азаматтар бұл іске бел­сене қатысуы тиіс. Содан кейін ғана біз нәтижелерін сезіне ала­мыз, оның ішінде ха­лықтың ара­сында жемқорлыққа деген нөлдік төзімділігті қалып­тас­тырамыз және немқұрайлы бол­мауды тәрбиелейміз, – деп баса айтты Аманкелді Сатанов.
Адал ШАБЫТ