Жиын барысында көтеріл­ген басты мәселе – «Жұмыспен қамту – 2020» бағдарламасы аясында халыққа берілген не­сие­нің қазынаға қайтарыл­мауына қатысты болды. 
Ұлан ауданы бойынша 
Қ.Қай­сенов, Аблакетка, Сара­товка ауылдық округтары мем­лекетке 40 миллион теңгеден астам қаражат қарыз. Депутат­тар аталмыш ауылдық округ әкімдеріне кезінде несие алып бүгін оны қайтаруға асықпайтын әрбір азаматпен жеке түсіндіру жұмыстарын жүргізу қажеттігін ескертті. 
Халыққа берілген несие қазынаға қайтарылмаса ауыл шаруашылығын субсидиялауға биылғы жылы қаражаттың жет­пейтіндігі де айтылды. Бұл ту­ралы аудандық жұмыспен қам­­ту және әлеуметтік қорғау бөлі­мінің басшысы Азамат Қайрол­динов баяндады. 
Депутаттық фракция жетек­шісі Александр Бережной атал­мыш мәселе биылғы жылдың наурыз айында қайта қарала­тын­дығын ескертті. Атқарушы билік органдарының басшы­ларына сол мезгілге дейін қай­тарылмаған несие мәселесін оң шешу қажеттігін атап айтты. 
Жамбыл ҚЫРҒЫЗБАЙ