Іс-шараға «Жас Отан» ЖҚ бел­сенділері, білім басқармасы мен жастар саясаты басқармасының өкілдері, «Жас Ұлан», АДиМО жастар ұйымдарының өкілдері «Еріктілердің қызметі туралы» жаңа заңның талқы­лауына белсене қатысты.
«Біздің елімізде бүгін еріктілер қозғалысы өте қарқынды дамып келе жатыр, бұл әлеуметтік кемелденудің көрсеткіші деуге болады. Жаңа заң­ның қабылдауымен еріктілер ұғымы, оның мақсаттары мен міндет­тері, принциптері, тетіктері мен нысан­дары және түрлері заңнамалық дең­гейде айқындалды», деп атап өтті өз сөзінде Қостанай облысы әкімдігі білім басқарма басшысының орын­басары Гүлнар Укина.
Жастармен әңгіме барысында ҚР Парламенті Мәжілісінің депутаты Наталья Жұмаділдаева қазақстандық жастардың алдында бар мүмкіндіктері туралы айтты. 
«Бүгін жас ұрпақтың әрбір өкілі өз жолын өзі таңдайды – қайда оқу, қандай мамандық таңдау, немен ай­налысу, қандай жобаларды іске асыру – бар­лығы өзіңіздің қолыңызда. Осы­ның бәрі сіздерге өздеріңізді тұлға, көш­басшы ретінде көрсетуге мүмкін­дік береді. Тек назарларыңызды білім алуға ауда­руға тырысыңыздар, содан кейін ал­дыңыздағы барлық есіктер ашылады», деді депутат.
Айта кету керек, кездесу бары­сында өз ұсыныстары мен пікірлерін басқа жастар ұйымдарының өкілдері де енгізді. Депутат Жұмаділдаева көтерілген мәселелерге депутаттардың назарын аударды деген уәде берді.

А.ҚҰРМЕТ