Негізгі бет  /  мақалалар  /  Ата-аналар мектептегі жиналысқа қатысу үшiн жұмыстан босатылады

Ата-аналар мектептегі жиналысқа қатысу үшiн жұмыстан босатылады

Айқын-ақпарат
373
Ата-аналар мектептегі жиналысқа қатысу үшiн жұмыстан босатылады Биылғы жылдан бастап Бiлiм және ғылым министрлiгi "Ата-ана сағаты" ұлттық күнiн өткiзудi қолға алмақшы.

Осыған орай министрлiк барлық жұмыс берушiлердi қызметкерлерiн ата-аналар жиналысына қатысу үшiн ертерек босатуды сұрайтын болады, деп хабарлайды Baq.kz тiлшiсi.

"Ата-ананың бала тәрбиесiндегi рөлi төмендеп кеттi деген пiкiрмен келiсемiз. Ата-аналар жиналыстарға бармайды. Ата-аналардың 40 пайызына дейiн 11 жылда мүлде мектепке бармайды", - дедi министр Ерлан Сағадиев бүгiн жастар мәселесi қаралған Үкiмет отырысында.

Биылғы жылдың көктемiнде министрлiк "ата-ана сағаты" ұлттық күнiн өткiзу бастамасын қолға алмақшы.

"Бiз барлық мемлекеттiк органдар, компаниялар, жеке секторды ата-аналарды жұмыстан ертерек босатуды сұрайтын боламыз. Оларға осы бiр-екi күнде ата-аналар жиналысына қатысуына мүмкiндiк беру керек", - дейдi Е.Сағадиев.

Айта кетейiк, бұған дейiн министр Сағадиев қызметкерлердi жұмыстан уақытында босату мәселесiн көтерген болатын. Өйткенi, оның айтуынша, қазiргi уақытта жұмысбасты ата-аналар бала тәрбиесiне дұрыс көңiл бөлмейдi.

"Жұмыс берушi қызметкерлердi уақытында, сағат алтыдан кейiн ата-аналарды үйге жiберсе, дұрыс болады деп есептеймiз. Мұндай тәжiрибе қажет. Ата-аналардың жұмыста кешiгуiнiң әлеуметтiк бағасы жоғары", - деген едi ол.

 

 

Айымгүл ӘБІЛЕВА

 

Baq.kz