Негізгі бет  /  мақалалар  /  «Нұр Отан» партиясы: бірлік, бейбітшілік және жандану

«Нұр Отан» партиясы: бірлік, бейбітшілік және жандану

Айқын-ақпарат
848
«Нұр Отан» партиясы:  бірлік, бейбітшілік және жандану Заң аясында түрлі кеңестер берілді

2015-2016 жылдар аралығында Қызылорда қалалық партия филиалының қоғамдық қабылдауына қала тұрғындарынан жалпы саны – 1046 өтініш қабылданып, оның 228-і оң шешімін тапқан. Келіп түсетін арыз-шағымдарды сараптау нәтижесімен шағымдардың басым көпшілігі әлеуметтік мәселелерге қатысты екені анықталды. Бұл туралы Қызылордада өткен Партияның Саяси кеңес мүшелерінің қатысуымен өткен жиында айтылды.

Сондай-ақ жиынға ауылдық округ әкімдері, қалалық мәслихат депу­тат­тары, қалалық бөлім басшылары, жа­с­о­тандықтар, БПҰ төрағалары және БАҚ өкілдері қатысты. Жиында ай­мақ­тың әлеуметтік мәселелері айтыл­ды. Атап айтқанда, тұрғын үй мәселесі (19,9%), азаматтардың әлеуметтік тұр­мыс жағдайы (17,3%), жұмыспен қам­ту (12,8%), тұрғын үй коммуналдық шаруа­шылығы мәселесі (10,6%), ден­сау­лық сақтау саласы (10,6%) пайызды құрай­тыны дерек ретінде келтірілді. 
– Тоқсанына бір реттен « Жұмыс­пен қамту – 2020», «Бизнестің жол кар­­тасы – 2020» бағдарламаларының орын­далу барысы жөніндегі ашық есік күн­дері өтті. Оған қоса «Әділет кеңес бе­реді», «Жолда қабылдау» акциялары тұ­рақты түрде ұйымдастырылып, 3000-дай азаматқа заң аясында түрлі кеңес­тер берілді, – деді Қызылорда қа­ла­лық партия филиалының төра­ғасының бірінші орынбасары Шәріп Әбдірахманов.
Сондай-ақ партияның қалалық фи­лиалының басшысы есепті мер­зім­де қалалық партия филиалы Саяси кеңе­сінің 4 отырысы өткізіліп, онда ҚР Президенті Н.Ә.Назарбаевтың бес инс­титуттық реформасы мен оны орын­даудың «100 нақты қадам» Ұлт жос­пары мен «Жаңа жаһандық орта­дағы Қазақстан: өсу, реформалар және даму» атты Қазақстан халқына Жол­дауы­нан туындайтын кешенді жұмыс бағыты белгіленіп, тиісті тапсырмалар жүзеге асырылғандығын атап өтті.
Бұдан бөлек конференцияда қала­лық партия филиалының жұмысы қа­нағаттанарлық деп танылып, алдағы уақытта да бұл жұмыстар жалғасын тауып, Елбасы, партия төрағасының жаңа тапсырмалары бойынша жүйелі жұмыстар жүргізілетіндігі айтылды. Сонымен қатар партия филиалы Сая­си кеңесінің жаңа құрамы танысты­ры­лып, Қызылорда облыстық партия фи­­лиа­лының есептік-сайлау конфе­ренциясына делегаттар сайланды.
Конференция соңында Қызылорда об­лыстық партия филиалы төра­ға­сы­ның бірінші орынбасары Ибадулла Құттықожаев партияластарының нә­ти­желі жұмыстарына ризашылығын біл­діріп, партия жақтастарын Тәуелсіз елі­міздің гүлденуі жолында бірлесіп, бел­сенді жұмыс жасауға шақырды. 
Айта кетейік, бүгінгі таңда Қызы­л­ор­да қалалық партия филиалының құра­мында 8230 партия мүшесі бар. Ай­мақта 146 партиялық топтан құрал­ған 42 БПҰ-ы жұмыс істейді. 

Кен ШАЙЫР